Édito
Bétôt Cincante anées d’âje
En 2026, les ferluchons seront evâillës... bétôt 50 anées de temp qe Monterfi mene le drao ! “Pâs de bâre, pâs de porta, pouint de hardes d’aotrfai”, ét terjou la taolée d’orine e la ghideréle artistiqe chouézie qi nous mene e qi met en adorcion la gârerie de la qhulture du payiz galo q’ét debârée e partaijouze.
Qhi fére don pour durer de méme ?
ét de Perpôzer ene pergramerie o du cai e ben de cai : de la sonerie a la danse, diq’és jeûs e esports, du bon cai ou des contes a sour fin qe chaqhun evive “sa” Gallésie.
ét de Doner envie és espec’actous de veni (de retour), és artists de jouer, és benvoulants de crocher deden, és etrâriérs d’apouyer la féte, és serviciérs e avivandiérs d’ouvraijer.
ét de Mettr de souétië la savancetë des pus anciens e l’endon des pus jieunes e les lésser dire lous sonjée d’otout. Chaqe le monde ont de pouair dire lous sonjée q’i seraent su les chafaods ou su les côtës, és fourniaos ou ao pllacis.
ét d’ Ouvri la breche du cllôz. La Gallésie en Fête a terjou të un endret eyou qe le monde peuvent dire, danser e jouer a lous éze den les estaijes, coucoureries ou su les chafaods a lous bada. La ghideréle artistiqe chouézie envaloure etout la richesse des terrouérs de Bertègn e d’âillou e garantit ene gârerie d’artists su les chafaods.
Et de n’en En caozer en françaez e en galo etout ! E l’anée-la sera l’arivâ d’erterouer la pourmenée contée, le semedi e decouvri “La Vile és Caoze- galo" perpôzée par l’Institut du Galo, le dimaine.
Et de y’Étr core aossi benéze de s’erterouer o son monde, o ses amins, anée(s) aprés anée(s, dret come ça joue.