Nôs etrâriérs
Devenéz etrârier de la Gallésie en fête
Châqe anée, les siens de la Gallésie en Fête perpôzent és enterprinzes, qemerçants, fétissiérs ou ben consorteries de bani lou brutée su le pergrame d’ene federâille erqenûe come yeune des pus conseqentes en Bertègn Galèze.
La brutée-la ét l’arivâ pour votr enterprinze de perfiter de l’imaije d’ene federâille populére ben de la qenûe, qi met la meute a veni châqe anée, o de pus en pus de monde depés q’o fût levée en 1976.
Pour fére-aqenétr La Gallésie en fête de l’anée-li, j’ons bani 20 000 pergrames evâillës partout en Bertègn. Je vous perpôzons des paijes etrâriérs eyou qe vous pouéz mettr votr brutée en adorcion.
L’etrârie-la ét vra consecante pour qe notr federâille seje ben rencontrée e dureraet su le long du temp. Ernomée depés 34 anées de temp pour la calitë de son pergrame e sa familiaritë, en pus de la muziqe, la Gallésie en Fête met ao haot bout la qhulture galo den toute sa gârerie : muziqe, danserie, nouri, conterie, jeûs coutumiérs... sans pâs omblli de s’ouvri és qhultures d’âillou.
En tarvâillant d’o nous, vous mettéz votr imaije en adorcion ao qheur des qhultures coutumieres du Payiz Galo e v’aïdéz a emouver le feu d’ene arivement qi amene son brocheton a la fromiere qhulturale, artistiqe e economiqe de la Haote-Bertègn.